वडवाळी येथील बालाजी मंदिरात चोरी..

पैठण - प्रतिनिधी

Bharti Bhoj (Kharge)July 14, 2025

178

पैठण पोलिस ठाणे हद्दी मधील वडवाळी येथील बालाजी मंदिरातून अज्ञात चोरट्यांकडून चोरी केल्याची घटना समोर आली आहे.

ह्या बद्दल सविस्तर माहिती अशी की, पैठण शहरापासुन अगदी काही किलो मीटर अंतरावर स्थित वडवाळी येथील बालाजी मंदिराचे कुलूप व कडी कोंडा तोडून अज्ञात चोरट्याकडून मंदिरातील दानपेटीतून अंदाजे 30 हजार रुपये चोरून नेण्यात आले आहे.

सदरील घटनेसंबंधी परसराम अर्जुन खोपडे राहणार वडवाळी यांनी पैठण पोलिस ठाणे येथे फिर्याद दिली असून संपूर्ण घटनेचा तपास पैठण पोलिस निरीक्षक महादेव गोमारे यांच्या मार्गदर्शनाखाली स.फौ.विष्णु गायके,पो.हे.का.शेख यांच्या सह अन्य सहकारी करीत आहे.