पैठण शहरातील जिजाऊ माता चौकात ट्रॅफिक कोंडी; पोलिस यंत्रणेचा बट्या बोळ , नागरिकांमध्ये असंतोष

पैठण –

शहरातील महत्त्वाच्या आणि नेहमीच वर्दळीच्या असलेल्या जिजाऊ माता चौकात आज पुन्हा एकदा भलीमोठी ट्रॅफिक जाम परिस्थिती निर्माण झाली. ऑफिस–शाळा वेळेत नागरिकांची मोठी गैरसोय झाली असून वाहतूक पूर्णपणे ठप्प झाल्याने वाहनचालकांच्या नाराजीचा उद्रेक झाला आहे.

चौकात चौफेर येणाऱ्या रस्त्यांवर वाहनांची लांबच लांब रांग लागत गेल्याने सुमारे ३० ते ४५ मिनिटे वाहतूक कोलमडून पडली. मुख्य रस्त्यावर अचानक वाढलेली वाहनांची गर्दी, रोडवर अनियमितपणे उभ्या असलेल्या दुचाक्या व चारचाक्या, तसेच चौकातील अपुऱ्या वाहतूक व्यवस्थेमुळे परिस्थिती हाताबाहेर गेली.

_

—▶ पोलिस यंत्रणेचा बत्त्या बोल?

स्थानिक नागरिकांचे म्हणणे आहे की,

महत्त्वाच्या चौकात पुरेसे  पोलीस नसणे,

गर्दीच्या वेळेत कोणतीही वाहतूक नियोजनाची अंमलबजावणी न करणे

यामुळे दररोज अशाप्रकारे कोंडी होते. काही नागरिकांनी तर ट्रॅफिक पोलीस चौकात दिसतातही नाहीत, असे स्पष्ट करत पोलीस प्रशासनावर निष्क्रियतेचे आरोप केले.

▶ सामान्य नागरिकांमध्ये तीव्र असंतोष

ट्रॅफिक जाममुळे

शालेय विद्यार्थ्यांचे उशिरा पोहोचणे,

कामगार व नोकरी करणाऱ्यांना वेळेवर हजर राहता न येणे,

आपत्कालीन वाहनांना अडथळे निर्माण होणे,

अशा अनेक समस्या समोर आल्या. नागरिकांनी सोशल मीडियावरून आणि प्रत्यक्ष बोलूनही आपला असंतोष व्यक्त केला आहे. “जिजाऊ माता चौकात रोजचा त्रास झाला आहे… कुणीच लक्ष देत नाही” अशा प्रतिक्रिया नागरिकांकडून मिळत आहेत.

▶ जनता त्रस्त; कायमस्वरूपी उपाययोजना गरजेच्या

स्थानिक नागरिकांनी नगर परिषद आणि पोलीस प्रशासनाला आवाहन केले आहे की—

चौकात कायमस्वरूपी ट्रॅफिक पोलीस नियोजन,

रोडवरील अतिक्रमण हटवणे,

स्कूल/ऑफिस वेळेत विशेष ट्रॅफिक कंट्रोल यासारख्या उपाययोजना तातडीने कराव्यात.