पत्रकार संरक्षण समिती मंठा पत्रकार संघाची नवी कार्यकारिणी जाहीर; अध्यक्षपदी राजेभाऊ भुतेकर, तर उपाध्यक्षपदी मानसिंह बोराडे
मंठा – “वतन की रक्षा आपने कलम से” या प्रेरणादायी घोषवाक्याने सजलेल्या पत्रकार संरक्षण समिती, जालना यांच्या अंतर्गत मंठा तालुका पत्रकार संघाची महत्त्वपूर्ण बैठक दि. १७ नोव्हेंबर रोजी पत्रकार गजानन माळकर यांच्या अध्यक्षतेखाली पार पडली. या बैठकीत नवी कार्यकारिणी सर्वसंमतीने निवडण्यात आली असून ‘लोकमत’चे तालुका प्रतिनिधी राजेभाऊ भुतेकर यांची संघाच्या अध्यक्षपदी सर्वानुमते निवड करण्यात आली.
त्याचबरोबर पत्रकार मानसिंह बोराडे यांची उपाध्यक्षपदी, अतुल खरात यांची सचिवपदी, गजानन माळकर यांची कोषाध्यक्षपदी, तर सुरेश दवणे यांची सहसचिवपदी निवड करण्यात आली. यासह भागवत (बाबाराजे) गोंडगे, अंकुश देशमाने, आशिष मोरे व संदीप गायकवाड या पत्रकारांची सदस्य म्हणून निवड झाली आहे.
ही निवड पत्रकार संरक्षण समितीचे संस्थापक अध्यक्ष विनोद पत्रे यांच्या आदेशानुसार जिल्हाध्यक्ष अशोक गाढे यांच्या मार्गदर्शनाखाली करण्यात आली. निवड झालेल्या पदाधिकाऱ्यांचा भाऊसाहेब (काका) गोरे यांच्या हस्ते शाल, पुष्पहार व श्रीफळ देऊन गौरवण्यात आला.
नवीन कार्यकारिणी जाहीर झाल्यानंतर तालुक्यातील विविध माध्यमांतून अभिनंदनाचा वर्षाव होत आहे. कार्यक्रमाला मोठ्या प्रमाणात पत्रकार बांधवांनी हजेरी लावून उत्स्फूर्त प्रतिसाद दिला. मंठा तालुक्यात पत्रकार संरक्षण समितीची नव्या नेतृत्वासह कार्यक्षमता अधिक बळकट होण्याची अपेक्षा व्यक्त केली जात आहे.
